Fritak, fravær og permisjon

Fritak frå aktivitetar

Opplæringslova § 14-6. Fritak frå aktivitetar i opplæringa på grunn av livssyn.

Elevar har rett til fritak frå aktivitetar i opplæringa som dei med rimeleg grunn opplever som utøving av ein annan religion enn sin eigen eller tilslutning til eit anna livssyn enn sitt eige, eller som dei på same grunnlag opplever som krenkjande eller støytande. 

Ein kan ikkje krevje fritak frå kompetansemåla i læreplanane for fag. Elevar som får fritak frå aktivitetar i opplæringa, skal ha anna opplæring med tilsvarande fagleg innhald.

Gudstenester i skoletida

Sunndal kommune forheld seg til Utdanningsdirektoratets veileder om skolegudstjenester, og tilbyr likeverdig alternativ til dei som ikkje ynskjer å delta på skolegudsteneste. 

Fritak fra vurdering

Dei føresette sender søknad om fritak til rektor ved skolen.

Elevar kan frå fritak frå vurdering med karater på følgjande grunnlag:

• § 9-19.Fritak frå vurdering med karakter for elevar som får individuelt tilrettelagd opplæring (lovdata.no)
• § 9-20.Fritak frå vurdering med karakter for elevar som får innføringsopplæring (lovdata.no)
• § 9-21.Fritak frå vurdering med karakter i eitt av dei norske skriftspråka (lovdata.no)
• § 9-23.Fritak frå vurdering med karakter i kroppsøving (lovdata.no)

Elevar som er fritatt frå vurdering med karakter, skal få halvårsvurdering og undervegsvurdering utan karakter.

Sjå også

• § 9-18.Fellesreglar om fritak frå vurdering med karakter (lovdata.no)
• § 9-24.Fritak frå eksamen (lovdata.no)

Elevane har i utgangspunktet møteplikt til alle timar på alle årstrinn frå 1. til 10. trinn.

Permisjon

Kommunen kan gi ein elev permisjon frå skolen dersom eleven får ei opplæring som samla sett er forsvarleg. 

Ein elev som høyrer til eit anna trussamfunn enn Den norske kyrkja, har rett til permisjon frå skolen dei dagane trussamfunnet har helgedag, dersom foreldra sørgjer for den opplæringa som må til for at eleven skal kunne følgje med i opplæringa på skolen etter fråværet.

Unntak

Permisjonssøknadar for periodar der det blir gjennomført kartleggingsprøvar, nasjonale prøvar og tentamen/eksamen jf. skolen sin prøveplan, blir ikkje innvilga.

Lovgrunnlag

Opplæringslova § 2-2

Lokal forskrift: Forskrift om permisjon frå den pliktige grunnskoleopplæringa

Søke om fri frå undervisning 

Dersom søknaden gjeld for inntil ein dag, må søknaden vere sendt til skolen minst tre dagar før permisjonen skal finne stad.

Dersom søknaden gjeld for meir enn ein dag, må ein søke minst tre veker før ønska permisjon.

Bruk det digitale fagsystemet til skolen for å sende inn søknad:

Søk i Visma Foresattportal

Saksbehandling

Dersom søknaden gjeld inntil 1 dag, kan kontaktlærar behandle søknaden.

Dersom søknaden gjeld meir enn 1 dag, er det rektor som behandlar søknaden.