Nasjonalbiblioteket har mykje å tilby sjøl dei som ikkje har anledning til å besøke lokala deira i Oslo. På nb.no kan du lese artiklar, høre podkast, søkje i den digitale samlinga deira og mykje meir.

Nasjonalbiblioteket digitaliserer systematisk heile samlinga si. I nettbiblioteket kan du søkje i fulltekst i blant anna bøker, aviser, bilete og tidsskrift.

Materiale som ikkje er verna av opphavsretten blir gjort tilgjengeleg for alle på internett.  Der Nasjonalbiblioteket har avtalar med opphavsrettshavarar får brukarar med norske IP-adresser tilgang til materiale som er verna av opphavsretten. Her finn du ei oversikt over kva materiale som er tilgjengeleg for kven.

For å søkje om det ein har tilgang til i norske bibliotek må du velge “Nettbiblioteket” i menyen øvst på sida, og deretter “Søknad om tilgang til pliktavlevert materiale”  i menyen øvst til høgre.  Deretter må du kontakte oss og si ifra om at du har søkt, da vi ikkje automatisk får beskjed. 

Heile den digitale samlinga er tilgjengeleg for forsking og dokumentasjon i Nasjonalbiblioteket sine lokale.

Ver merksam på at det ikkje er mogleg å tinge materiale i nettbiblioteket, berre søkje og lese.

Nasjonalbiblioteket er ikkje ferdig med å digitalisere alt, so det vil vere mykje du ikkje får treff på i nettbiblioteket. Ei meir fullstendig oversikt over samlinga får du i Oria.