Sunndal er bærekraftkommune
FN sine bærekraftsmål er verda sin felles arbeidsplan for å utrydde fattigdom, bekjempe ulikskap og stoppe klimaendringene innan 2030. Regjeringa har forplikta Norge til å arbeide for å nå bærekraftsmåla.
I 2020 gjorde Sunndal kommune vedtak om å bli bærekraftkommune. FN sine bærekraftsmål blir lagt til grunn i den kommunale planlegginga. Alle måla i kommuneplanen, det overordna styringsdokumentet i Sunndal kommune, er kobla til bærekraftsmåla.
Alle kan bidra
-For å nå desse måla, må vi ha med bærekraftperspektivet i alt vi gjer - ikkje berre i kommuneorganisasjonen, men i heile lokalsamfunnet, seier klima- og miljørådgjevar i Sunndal kommune, Line Nygård.
-Det kan difor være nyttig å ta ein individuell gjennomgang av kva dette kan bety på arbeidsdagen og i kvardagen, og kvifor det er relevant for oss, fortsett Line. Vi anbefaler alle som vil lære meir om bærekraft og bærekraftsmåla, om å ta e-læringskurset som Møre og Romsdal fylkeskommune har laga.
e-læring om bærekraft
Møre og Romsdal fylkeskommune har laga eit e-læringskurs om FN sine bærekraftsmål, som er for alle interesserte. Kurset vil gje ei grunnleggande innføring i kva bærekraftig utvikling er og korleis det er relevant for oss i Møre og Romsdal.
Kurset består av 8 leksjonar som kvar tek omtrent 5 minutt å gjennomføre.
Ta e-læringskurs om bærekraft (mrfylke.no)
Meir om bærekraft
Sjå infoside om bærekraft i Sunndal kommune
FNs bærekraftsmål